“DTni sinovdan o‘tkazish asoslari” onlayn kursi IT-sohasida karyerasini boshlamoqchi bo‘lgan, biroq QA bo‘yicha sezilarli tajribaga ega bo‘lmaganlar uchun mo‘ljallangan.
Mazkur kurs sizga ushbu sohada ishlashni boshlash uchun kerakli ko‘nikmalarini tezda egallashga va DTni ishlab chiqish jarayoniga sho‘ng‘ishga yordam beradi.
O‘qishdan so‘ng bitiruvchilar a1qa – DTni sinovdan o‘tkazuvchi kompaniyasiga ishga joylashishlari mumkin.
O‘qitish uch bosqichdan iborat:

1-bosqich
O‘qish davomiyligi — 1 oy.
Bosqichning maqsadi — funksional sinovning asosiy tushunchalari bilan tanishish va ilovalarni sinovdan o‘tkazishning asosiy turlarini amalda o‘rganish.
Ushbu bosqichdagi o‘qitish kunlik maslahatlar-aqliy hujum bilan, sinovdan o‘tkazishda qabul qilingan yondashuvlar tahlili va talabalarni qiziqtirgan savollarni muhokama qilish bilan guruh formatida o‘tkaziladi.
O‘qishning birinchi bosqichida talabalar quyidagi mavzular bilan tanishadilar:
1-mavzu. DTni sinovdan o‘tkazish asoslari. Loyihaning umri, loyiha ishtirokchilari.
2-mavzu. Nuqsonlar bilan ishlash. Nuqsonlarning tavsifi va tuzilishi.
3-mavzu. Sinov yondashuvlari. Sinov turlari.
4-mavzu. Sinov hujjatlari va sinov artefaktlari.
5-mavzu. Sinov hisoboti.
6-mavzu. Nuqsonlarning umri. Nuqsonlarni tekshirish (validatsiya qilish).
7-mavzu. Qo‘lda sinovdan o‘tkazish uchun vositalardan foydalanish.
8-mavzu. Texnik savodxonlik (VM, Tarmoq, Windows).

2-bosqich
O‘qish davomiyligi — 1 oy.
Bosqichning maqsadi — murakkabroq muammolarni hal qilishda sinov ko‘nikmalarini yaxshilash, shuningdek, individual fikr-mulohazalar asosida ilovalarni sinovdan o‘tkazishdagi barcha kamchiliklarni bartaraf etish.
Ushbu qadam birinchi bosqichning davomi bo‘lib, talabalarga professional murabbiyning individual nazorati ostida ta’lim olish imkonini beradi.
Bu bosqich butunlay amaliyotga asoslangan: bir qator sinov (web- va desktop- ilovalar) va texnik (Postman, SQL, Fiddler) topshiriqlaridan iborat.

3-bosqich
O‘qish davomiyligi — 3-4 hafta.
Bosqichning maqsadi — talabalarni loyihalar uchun suhbatlardan muvaffaqiyatli o‘tishga tayyorlash.
Talabalar yakuniy bosqichda loyihalar uchun suhbatlardan o‘tishni, shuningdek nazariyani (ham texnikaviy, ham loyihaviy) o‘rganadilar.
Nazariyadan tashqari, talabalar kichik texnik topshiriqlarni bajaradilar, shuningdek, so‘rovlardan o‘tadilar va murabbiy bilan mavzularni muhokama qiladilar.
Bosqichning yakunida o‘quvchilarni buyurtmachi bilan suhbatlashish jarayonini taqlid qiluvchi imtihon kutmoqda.

“DTni sinovdan o‘tkazishni avtomatlashtirish” onlayn kursi OYD qo‘llab-quvvatlanadigan har qanday dasturlash tillari bo‘yicha asosiy bilimlarga ega bo‘lgan odamlar uchun mo‘ljallangan.
Ushbu kursdan o‘tish sizga avtomatlashtiruvchi sifatida karyerani boshlash uchun zarur bo‘lgan ko‘nikmalarga ega bo‘lish, DTni ishlab chiqish jarayoniga kirishish, shuningdek, a1qa kompaniyasida “Stajyor - Avtomatlashtirilgan sinovlarni ishlab chiquvchi” lavozimiga tayinlanish imkonini beradi.
O‘qitish uch bosqichdan iborat:

1-bosqich
O‘qish davomiyligi — 1 oy.
Bosqichning maqsadi — sinovdan o‘tkazishning asosiy tushunchalari bilan tanishish, veb-avtomatlashtirish asoslarini va avtomatlashtirish bo‘yicha loyihani yaratish tamoyillarini amalda o‘rganish.
O‘qitish kunlik seminarlar va maslahatlar-aqliy hujum bilan, avtomatlashtirishda qabul qilingan yondashuvlar tahlili va talabalarni qiziqtirgan savollarni muhokama qilish bilan guruh formatida o‘tkaziladi.
O‘qishning birinchi bosqichida talabalar quyidagi mavzular bilan tanishadilar:
1-mavzu. Sinovdan o‘tkazish va sinovlarni avtomatlashtirish asoslari (asosiy atamalar).
2-mavzu. Sinovlarni avtomatlashtirish: Selenium WebDriver vositasi misolida veb-avtomatlashtirish sohasidagi asosiy yondashuvlar.
3-mavzu. Sinov kutubxonalari (TestNG/NUnit/pytest/Mocha) va ulardan foydalanish tamoyillari.
4-mavzu. Sinovlarni avtomatlashtirish bo'yicha loyihaning va freymvorkning tuzilishi.
5-mavzu. Avtomatlashtirishda loyihalash qoliplari.
Ko‘p sonli uchrashuvlarga qaramay, kursning asosini amaliyot tashkil etadi.
Topshiriqlar ob’yektga yo‘naltirilgan tillardan birida bajariladi: Java, C#, JS.

2-bosqich
O‘qish davomiyligi — 1 oy.
Ushbu bosqich doirasida talabalar asosiy vositalar va utilitlar sohasida zarur ko‘nikmalarga ega bo‘ladilar, shuningdek, birinchi bosqichda olingan avtomatlashtirish loyihasining tuzilishi sohasidagi bilimlarni chuqurlashtiradilar.
Bosqich individual o‘qitish yoki mini-guruhlar formatida bo‘lib o‘tadi, bu esa kurator bilan texnik yechimlarni batafsilroq tahlil qilish imkonini beradi.
Kurator nafaqat topshiriqlar bo‘yicha fikr bildiradi, balki talablar va paydo bo‘lgan muammolar bo‘yicha savollarni to‘g‘ri shakllantirishni ham o‘rgatadi.
Bosqichni tugatgandan so‘ng, talabalar quyidagi mavzularni o‘zlashtiradilar:
1-mavzu. Sinovni avtomatlashtirish: API va ma’lumotlar bazasini avtomatlashtirish.
2-mavzu. Yordamchi vositalar: Docker, CI/CD (Jenkins misolida).
3-mavzu. Code style va loyiha tuzilishi (ilg‘or daraja).
4-mavzu. Mavjud avtomatlashtirish yechimi (korporativ freymvork) bilan ishlash tamoyillari.

3-bosqich
Bosqich davomiyligi — 2-4 hafta.
O‘qishning yakuniy bosqichi birinchi va ikkinchi bosqichlarda olingan bilimlarni tizimlashtirish, texnik savodxonlikni rivojlantirish va natijada yakuniy suhbatga tayyorgarlik ko‘rish imkonini beradi.
Talabalar oltita yo‘nalish bo‘yicha mavzularni o‘zlashtirishlari kerak:
1) avtomatlashtirish vositalari (Selenium WebDriver);
2) sinov kutubxonalari;
3) til konstruksiyalari;
4) Git;
5) CI/CD;
6) umumiy texnik savodxonlik: operatsion tizimlar, tarmoqlar, virtualizatsiya va boshqalar.
Oldingi bosqichlarda bo‘lgani kabi, nazariyani o‘rganishda talabalar kurator bilan maslahatlashishlari mumkin. Har bir nazariy blokni individual yoki guruh (2-5 kishi) formatida o‘zlashtirish yakunlangandan so‘ng oraliq so‘rovlar o‘tkaziladi.